Кыргыз Республикасынын Энергетика министри Алтынбек Рысбековдун энергетикалык инфраструктураны жаңылоо, электр менен камсыздоонун ишенимдүүлүгүн жогорулатуу жана заманбап ыкмаларды киргизүү боюнча тапшырмаларынын алкагында «Ош электр тармактары» ишканасында 2027-жылга карата пландын негизинде жаңы долбоордун үстүндө иш алып баруу маселелери талкууланды.
«Кыргызстан улуттук электр тармагы» ААКнын башкы директору Ильгиз Сыдыгалиевдин Ош облусуна болгон иш сапарынын алкагында компаниянын филиалы — Ош электр тармактары ишканасынын жетекчилери жана райондук электр тармактарынын башчылары менен жумушчу жыйын өткөрүлдү.
Келечектеги пландар жана заманбап технологиялар:
Алдыдагы күз-кыш мезгилин ишенимдүү өткөрүү үчүн ишканада оңдоо, техникалык тейлөө жана авариялардын алдын алуу иштери күчөтүлгөн тартипте улантылууда. Жыйындын соңунда даярдыктардын аткарылышын жеринде көзөмөлдөөнү күчөтүү боюнча жетекчилерге конкреттүү тапшырмалар берилди.
«Төлөйкөн» көмөк чордонунда кубаттуулук жогорулатылды
Иш сапардын жүрүшүндө «КУЭТ» ААКнын башкы директору Ильгиз Сыдыгалиев «Ош электр тармактары» ишканасына караштуу 110/35/10 кВ чыңалуудагы «Төлөйкөн» көмөк чордонунун абалы менен да таанышты.
Ош шаарында электр энергиясына болгон суроо-талаптын өсүшүнө байланыштуу аталган көмөк чордондо масштабдуу жаңылоо иштери жүргүзүлдү. «КУЭТ» ААКнын каржылоосу менен Кытайдан алып келинген 40 000 кВА кубаттуулуктагы жаңы трансформатор буга чейин иштеп келген 25 000 кВА трансформатордун ордуна ийгиликтүү орнотулду.
Негизги артыкчылыктары:
Башкы директор жабдуулардын техникалык абалын, жасалган иштердин сапатын жана алдыда келе жаткан күз-кыш мезгилине даярдыкты катуу көзөмөлгө алды. «Төлөйкөн» көмөк чордонун модернизациялоо иштери өлкөнүн энерготутумун чыңдоо жана керектөөчүлөрдү сапаттуу электр энергиясы менен камсыз кылуу багытындагы маанилүү кадамдардын бири болуп саналат.